- O Encontro Internacional de Contadores/as de Historias desenvolverase do 8 ao 10
de xuño por distintos espazos da cidade
Pontevedra acollerá do 8 ao 11 de xuño a sexta edición do Encontro Internacional de
Contadores/as de historias, Sete Falares. Un proxecto que, como explica a
concelleira de Festas e Dinamización Cultural, Carme Da Silva, “pretende dúas
cousas: dar a coñecer e divulgar unha actividade artística e cultural importante como
é contar historias, que ademais está moi vinculada a tradición cultural galega, e
tamén utilizar os distintos espazos do concello, como as Ruínas de San Domingos, a
Casa das Campás, o Teatro Principal ou o CITA como escenarios de actividades
culturais”.
Serán catro días moi intensos nos que contadores de historias como os galegos
Celso Fernández Sanmartín ou Bea Campos, os portugueses Cristina Taquelim ou
Carlos Marques; a uruguaia afincada en Cataluña Patricia Mcgill e Pavís-Pavós,
(Xacobe Rodríguez e Tareixa Alonso) sairán a escena con contos na procura de
espectadores/as atentos e activos. Non faltará a música, da man dos galegos José
Manuel Díaz e Felipe Vilar.
Sete Falares é unha iniciativa de Pavís Pavós e o Concello de Pontevedra e nesta
sexta edición chega con novidades como o cara a cara “De dúas a dúas” (Cristina
Taquelim e Patricia Mcgill) e “De dous a dous” (Carlos Marques e Ceslo Fernández
Sanmartín) ou o roteiro nocturno “Ruta de historias no Museo de Pontevedra”.
O Encontro Internacional de Contadores/As de Historias arrancará con Celso
Fernández Sanmartin o xoves 8 de xuño, ás 20 horas no Adro da Peregrina
As máis das actividades son de balde e a entrada é libre até completar aforo. Ë
preciso retirara invitación para a actividade do Museo, na que haberá catro quendas
con 60 prazas en cada caso. Se recollerán na porta principal do Sexto Edificio a
partir das 21.30 horas. A clausura -Rolda de narradores/as- é de pago (3 euros). As
entradas venderanse na billeteira do Teatro Principal unha hora antes do inicio da
sesión.
Infórmate e consulta a programación en: www.setefalares.eu
facebook- www.facebook.com/setefalares
twitter @setefalares