- Pontevedra acolle a 46º edición do Día da Muiñeira e irá quentando motores cunha
palillada e un ciclo de conferencias
Pontevedra celebra unha vez máis -e van 46- o Día da Muiñeira. A cita é o próximo 2 de
xuño e o seu epicentro estará na avenida Montero Ríos, a partir das 20.00 horas. Media
hora antes os grupos participantes sairán en pasarrúas dende a praza do Teucro e a
musica do grupo Trébede do Morrazo porá o ramo a celebración.
A Asociación Duos Pontes e o Concello de Pontevedra, entre outros, van da man na
celebración dunha festa que é unha mostra -e homenaxe- dos bailes tradicionais galegos
e que cada ano congrega a centos de bailaríns de asociacións, colexios, grupos… de
toda a provincia.
Co fin de quentar motores e poñer en valor o noso patrimonio, organízanse distintas
actividades culturais arredor do Día da Muiñeira: unha palillada na rúa (27 de maio, na
praza Peregrina) e un ciclo de conferencias (27 e 30 de maio) na Casa das Campás
XLVI DÍA DA MUIÑEIRA – PROGRAMA
SÁBADO 27 DE MAIO11.30 horas. Palillada na rúa. Praza da Peregrina. Amenizan os gaiteiros de DUOS
PONTES e o grupo de baile O VIVEIRO DE PEIS D´HOS de Cangas..
VENRES 2 DE XUÑO
19.30 Desfile dos grupos. Praza do Teucro.
20.00 Celebración do XLVI Día da Muiñeira. Avda. de Montero Rios.
21.00 Actuación grupo convidado. Grupo de baile TRÉBEDE do Morrazo. Avda. de
Montero Rios
CICLO DE CONFERENCIAS
VENRES 27 DE MAIO
Casa das Campás. 20.30 horas.
Faladoiro: CADA TEA SEU PANO. TÉXTILES TRADICIONAIS GALEGOS.
Carlos Díaz e Manuel Otero. Panosdaqui.
MARTES 30 DE MAIO
Casa das Campás. 20.30 horas.
Concerto didáctico: INSTRUMENTOS POBRES.
Xabier Blanco.