PonteAndadas-18: deporte e goce do patrimonio natural e cultural do municipio

Fomentar a actividade física e gozar do patrimonio natural e cultural do municipio e o dobre obxectivo que guía o Circuíto de Andainas de Pontevedra – PonteAndadas-18, que promoven a Concellería de Deportes da man de Naturgaliza Club.

A concelleira de Deportes Anxos Riveiro, presentou hoxe as andainas, seis, nas que poderám participar xente de todas as idades. Ao seu carón Juan Romero e Javier Piñeiro, do Naturgaliza Club que puxeron a énfase na oportunidade que ofrece de gozar do tempo de lecer dun xeito saudábel.

Os interesados en participar en PonteAndadas-18 deberán ser maiores de 12 anos e inscribirse para poder sumarse ás camiñadas. O prezo é de 8 euros, para aquelas persoas que queiran facer todo o circuíto e de 2 euros por andaina, agás os desempregados que non terán que pagar.

O pago farase por transferencia bancaria ou ingreso a nome de Naturgaliza Club na conta de Abanca ES82 2080 3116 0030 4000 8694. E a inscrición realizarase a través do correo electrónico ponteandadas@gmail.com ou telf, 625.482636

Os participantes no Circuíto de Andainas de Pontevedra irán acompañados por monitores que seguirán e guiarán o ritmo dos distintos participantes, pois non é unha carreira. Cada ruta poderá desenvolverse cun máximo de 300 persoas.