Dez ofertas para reformar e iluminar a nova ponte do Burgo

43
  • A Mesa de Contratación do Concello reuniuse esta mañá para abrir todas as propostas das empresas. Oito concurren para facer a reforma, e dúas para pór a iluminación.
  • A obra estará financiada nun 80% por Fondos Europeos de Desenvolvemento Rexional (FEDER)

A Mesa de Contratación do Concello de Pontevedra abriu esta mañá as ofertas para realizar o acondicionamento da Ponte do Burgo e a súa contorna. O proxecto de ten un prezo de licitación de 2.561.390,91 euros (IVE incluído), dividido en dous lotes: o da obra por valor de 1.700.598,75 euros e o da iluminación por valor de 860.792,16 euros. A execución do lote un é de 10 meses e o do lote dous é de tres meses.

O proxecto estará financiado nun 80% polo Fondo Europeo de Desenvolvemento Rexional (FEDER).

As empresas ou a unión temporal de empresas que se presentaron ao lote un (o proxecto de reforma da ponte) son:

    • UTE Covsa-Setga
    • UTE Imesapi – E.C.Casas
    • UTE Ediserpo – Ogmios
    • UTE Tecirsa -Elecnor
    • Taboada e Ramos
    • Desarrolla Obras e Servizos
    • UTE Acevi – Civisglobal
    • Copcisa

A actuación na ponte do Burgo e na súa contorna permitirá acondicionar un novo espazo público de referencia na cidade ademais de tratar a ponte como o que é: un monumento central da historia de Pontevedra. O proxecto segue as directrices do modelo de Pontevedra: preferencia peonil, calidade construtiva, calidade de vida e recuperación e posta en valor do patrimonio.

A obra divídese en tres ámbitos de actuación:

    • Ponte do Burgo: O taboleiro da ponte será unha plataforma única de lousas de pedra para continuar a vía peonil de 11 metros de ancho (de lado a lado da ponte) cunha iluminación rasante seguindo o Camiño de Santiago e outra na nova varanda lateral que tamén será rasante.
    • Entronque coa praza Valentín Garcia Escudeiro (cabeceira sur). Mudarase o paso de peóns co fin de darlle continuidade ao trazado peonil que vén da ponte, seguindo a traza histórica do Camiño.
    • Entronque co paseo Domingo Fontán e rúa Xoán Manuel Pintos (cabeceira norte). Este espazo vivirá unha total transformación, eliminarase a rotonda de tráfico rodado, para continuar o carril nos dous sentidos de circulación por ese punto unindo Xoán Manuel Pintos con Domingo Fontán.Crearase unha gran praza de máis de 4.000 metros cadrados con máis de 40 árbores, mobiliario, bancos, papeleiras. Continu

E ao segundo lote (a nova iluminación da ponte) presentáronse:

    • UTE Moncosa – Ediserpo
    • Setga

No tocante á iluminación farase en tres fases: unha superficial rasante, con puntos azuis que marcarán o Camiño de Santiago; outra rasante empotrada na varanda dirixida cara o taboleiro para que os peóns podan ver por onde pasan, e un terceira que alumeará os arcos, polo exterior e interior.

Fondos FEDER

O proxecto de posta en valor da Ponte do Burgo busca contribuír á conservación do patrimonio cultural da cidade, o que axudará a aumentar o seu valor estético e cultural ao facelo máis atractivo para os transeúntes, en especial para os peregrimos que pasan pola Ponte no seu camiño cara a Santiago de Compostela.

Coa descrición da operación poderanse acadar os seguinte resultados:

    • Mellora da calidade do espazo público nos barrios periféricos. Contribuirase á posta en valor da Ponte do Burgo, pois se mellora o pavimento, elimínase o paso de tráfico rodado e faise máis atractivo para os póns con mellora da iluminación (que resaltará o valor monumental do mesmo) e coa colocación de arbolado.
    • Mitigación de problemas de declive urbano e ambiental nos barrios periféricos.
    • Máis cohesión e vertebración social destes espazos territoriais.
    • Mellorar o estado de chans, recuperándoos para usos públicos amables co medio ambiente. A supresión do tráfico rodado axudará a eliminar a emisión de gases e ruídos do tráfico rodado que afecta á zona na actualidade, facendo máis amable para os peóns o paso por este espazo.

Polo tanto, a intervención redundará na mellora do desenvolvemento sostible da zona e a

sustentabilidade futura da intervención queda garantida, e contribúe a acadar os obxectivos previstos no Programa Operativo de Crecemento Sostible FEDER 2014-2020, e os obxectivos da Estratexia de Desenvolvemento Urbano Sostible e Integrado (EDUSI) Máis modelo Pontevedra, coa que o Concello de Pontevedra acadou os fondos do Fondo Europeo de Desenvolvemento Rexional (FEDER).