- As entradas están a venda en ataquilla.com, no 902.504500, en www.pazodacultura.org e na Casa da Luz, agasalla cultura
- O festival de teatro familiar subirá ao escenario do Teatro Principal os espectáculos de sete compañías nos que hai danza, teatro de máscaras, de actor e de sombras, circo..
- As citas cunha coidada escolma do mellor do teatro infantil de Galiza e de fóra serán entre o 20 de xaneiro e o 10 de marzo
A concelleira de Cultura, Carme Fouces, presentou esta mañá, acompañada por Xacobe Rodríguez de Teatro Akatro, a edición número 20 dos Domingos do Principal, unha proposta clásica para a programación 2019 do Concello de Pontevedra e unha escusa perfecta para agasallar cultura: as entradas e os abonos están xa a venda. “Non creo que haxa moitos ciclos de teatro infantil cunha longa vida como este” sinalou a concelleira quen lembrou que nestas case dúas décadas foron máis de 300 as representacións ofrecidas, o mellor da escena infantil galega e non galega.
É un ciclo que adoita esgotar as súas entradas e que abre as portas do Teatro Principal durante sete domingos en horario de mañá e tarde (12.00 e 18.30 horas) co fin de facilitar a asistencia dos nenos e nenas, dun público familiar que aprende a valorar e amar o teatro dun xeito lúdico, unha paixón que se estende no tempo.
“Os primeiros espectadores de Domingos do Principal son agora espectadores de Ponteatro” apunta a concelleira Carme Fouces que comparte con moitas das compañías que se achegan á cidade a valoración de que “o público de Pontevedra é un público esixente e ben formado”, algo lóxico ao estar afeitos dende nenos e nenas a ver e gozar con bos espectáculos escénicos.
Pola súa banda Xacobe Rodríguez, coordinador de Domingos do Principal, pon a énfase en tres características do ciclo de teatro familiar:
– toca todos os ámbitos das artes escénicas: danza, teatro de máscaras, teatro de actor, teatro de sombras, circo…
– hai espectáculos de risas, de pensar e tamén algún un pouco triste
– é para todas as idades, para os nenos e nenas pero tamén para adultos.
O Festival de teatro para a toda familia – Domingos do Principal 2019- subirá a escena os espectáculos de sete compañías entre o 20 de xaneiro e o 10 de marzo. Serán 17 funcións -dous por espectáculo- máis tres funcións concertas, de luns, para escolares.
• Rojo Standard de La Nördika (Granada). Domingo 20 de xaneiro
• Pavillón Lino de Caramuxo Teatro (Galiza). Domingo 27 de xaneiro
• El viaje de Ulises de Teatro Gorakada (Euskadi). Domingo 3 de febreiro
• El tesoro de Barracuda de A la sombrita (Sevilla). Domingo 10 de febreiro • Aguratrat de Pérez&Fernández (Galiza)
• Emportats de La Trócola circo (Alacant)
• Euria (Chuvia) de Markeliñe (Euskadi
As tres funcións escolares serán o luns 28 de xaneiro, Pavillón Lino; luns 11 de febreiro, El tesoro de Barracuda e luns 18 de febreiro, Aguratrat
As entradas de Domingos do Principal xa están a venda en www.ataquilla.com no teléfono 902.504500, tamén en www.pazodacultura.org e na Casa da Luz.
O prezo de entrada única por persoa e función e de 4€ e o abono -de mañán ou de tarde- para as 7 funcións é de 21 € máis gastos de tramitación (o abono se merca só na billeteira telefónica ou por internet).
