Unha nova Sétima Feira amosa o sábado as propostas dos creadores emerxentes e do comercio local

17
  • O primeiro andar do Mercado de Abastos será o punto de encontro entre as 11.00 e as 15.00 horas. Hai unha programación complementaria de música, actividades infantís, gastronomía.

A primeira planta do Mercado de Abastos volverá a acoller este sábado, 9 de marzo, unha edición desta nova xeira de Sétima Feira. Como cada segundo sábado de mes, o primeiro andar da Praza estará aberto de 11.00 a 15.00 horas con ofertas de arte, moda, comida e música.

A parte infantil tamén é un dos reclamos da Sétima Feira. Nesta ocasión a cativada descubrirá o coidado do corpo, a orixe dos bailes, como improvisar e fabricar o seu propio estilo practicando danza contemporánea, africana, break ou hip-hop. A entrada aos obradoiros é de balde previa inscrición no enderezo setimafeira@pontevedra.gal ou directamente e por orde de chegada na Praza.

A sesión de picadiscos corre a caro de Sr. Fiuza dende as 11.00 horas e a partir das 13.00 horas está previsto un concerto de Tony Lomba.

A zona gastronómica contará, nesta ocasión, coa iniciativa da empresa de Pontevedra Cookela Catering.

Os postos que participarán nesta Sétima Feira serán:

  • Ana Redmoon
  • Belén Diz e Paulacheshire
  • Creaciones con Ángel
  • Graphics Project
  • Hipsterkids
  • Mamaié
  • Nené son joyas 
  • Paseloquepase
  • Patas de peixe editora
  • Peixe de plata
  • Raralia
  • Sofía Camba
  • Somosocénano
  • Son D`Iria

Sétima Feira é unha iniciativa impulsada pola Área de Promoción Económica do Concello de Pontevedra que ten como finalidade dinamizar a escena creativa da vila, favorecendo un espazo para o emprendemento creativo, e apostando pola colaboración entre os creadores emerxentes e o comercio local.