A compostaxe comunitaria da cidade reduce a emisión dun millón de quilos de CO2 á atmosfera

73
Con motivo do Día internacional pola redución das emisións de CO2, que se celebra mañá, Raimundo González presentou os novos sete centros de compostaxe que terá a cidade.
A Parda, O Burgo, A Seca, Campolongo ou Amalia Álvarez son os lugares escollidos.

Con motivo do Día internacional pola redución das emisións de CO2, o concelleiro responsable do departamento de Residuos, Raimundo González presentou esta mañá os sete novos centros de compósaxe comunitaria dos que disporá a cidade. Con eles xa serán 35 os instalados na trama urbana que evitan a emisión dun millón de quilos de CO2 á atmosfera cada ano ao seren utilizados por unhas 5.250 persoas.

Os sete novos centros de compósaxe instalaranse en distintos barrios chegando, por vez primeira, ao Burgo ou á Seca, ademais de reforzar outros ámbitos como Campolongo ou a Parda.

Está previsto instalar un centro de compósaxe na rúa das Devesas (10 módulos), outro na avenida de Virxinia Pereira (no último tramo, cara á rotonda da avenida de Lugo – 10 módulos); no Camiño vello de Castela (11 módulos); na avenida da Coruña (a carón do campo de fútbol de Pasarón -10 módulos); no parque de Amalia Álvarez coa rúa Filgueira Valverde; na rúa Taboada Nieto (preto do parque do Cogomelo) e duplicarase o centro de compósaxe de Alcalde Hevia.

Novos centros de Compostaxe
Novos centros de Compostaxe

Os sete novos compóseiros darán servizo a uns 1.500 veciños e veciñas. E con eles, o casco urbano pasará de ter 28 a 35 centros de compósaxe comunitaria.

Os novos compóseiros comunitarios poderán estar operativos a finais do mes de marzo, xa que se tarda en instalar cada base arredor de 5 días, e despois se colocan os módulos de metal e os caixóns do estruturante que completan os centros.

Unha vez que se remate coa instalación, farase unha campaña de sensibilización nos barrios que acollerán estes centros para informar aos veciños e veciñas do funcionamento do novo compóseiro.

A instalación dos novos centros de compósaxe comunitaria suporá a redución de 300.000 kg de emisión de CO2 á atmosfera, xa que non será preciso transporte, tratamento e incineración destes restos orgánicos. Segundo os últimos estudos consultados polo departamento, co uso da compósaxe cada persoa deixa de emitir 0,2 toneladas de CO2 ao ano.

E tendo en conta os 35 compóseiros comunitarios que estarán instalados, a redución será de máis de 1 millón de quilos de CO2.

Rabirrubio femia en Camiño de Ferro.

Coincidindo mañá co Día internacional pola redución das emisións de CO2, Raimundo González destacou que “o compós é fonte de vida. Xa non se trata só dunha aposta política ou do cumprimento da legalidade europea, é que está en xogo a vida do planeta”, por iso animou aos pontevedreses “a participar no programa de compósaxe porque contribuímos a mellorar a vida das xeracións futuras”.

A modo de exemplo da biodiversidade que supoñen estes centros explicou que os mestres detectan a diario paxaros que aproveitan os contedores para se alimentar como o caso das Lavandeiras ou os Rabirrubios.