Até 14 prazas serán ofrecidas nesta nova convocatoria, que ofrecerá vacantes tanto de promoción interna como de quenda libre
Anabel Gulías lembrou que o obxectivo destas ofertas de emprego ten por obxectivo a modernización dos servizos públicos, amais da mellora das actividades realizadas na Administración
A portavoz do Goberno, Anabel Gulías, deu conta esta mañá de luns, 14 de febreiro do 2022, da Xunta de Goberno celebrada a primeira hora e na que foi aprobada a publicación dunha nova oferta pública de emprego para o Concello de Pontevedra.
«Como sempre que sacamos algunha oferta pública de emprego, préstame lembrar que o obxectivo fundamental deste Goberno é seguir traballando na modernización desta Administración, e unha das cuestións máis básicas para logralo é a incorporación e a mellora dos recursos humanos da casa», comentou Gulías.
As prazas ofertadas son as seguintes:
- 2 vacantes de técnico medio (promoción interna)
- 2 vacantes de subalterno (quenda libre)
- 2 traballadores sociais (quenda libre)
- 1 bombeiro condutor (quenda libre)
- 4 oficial electricista (2 promoción interna e 2 quenda libre)
- 1 oficial condutor mecánico (promoción interna)
- 1 vacante de oficial xardineiro (promoción interna)
- 1 vacante de oficial de obras (promoción interna)