Recomendacións de mobilidade para gozar da Feira Franca

31
Slide Feira Franca 2022 OK

Pontevedra xa ten todo listo para que hoxe, a partir das 19.00 horas, comece a XXI edición da Feira Franca, que chega con maior entusiasmo ca nunca despois de dous anos de ausencia pola pandemia. A Policía Local fai as seguintes recomendacións para moverse durante a celebración da Feira Franca, especialmente mañá.

Mobilidade a pé

A mobilidade permitida na zona da Feira Franca é a pé. O acceso é libre para peóns pero prevense grandes aglomeracións  en:

  • Praza da Ferrería, Soportais e Praza Curros Enríquez; Praza Verdura, Real, Sarmiento, Cesar Boente e Don Gonzalo. 
  • Praza de Touros durante o espectáculo Medieval, especialmente en horarios de entrada e saída. 

A Policía tamén recorda que os puntos de atención médica serán:

  • Posto avanzado médico no Teatro Principal
  • Tres ambulancias mecanizadas en: Valentin García Escudero; Bastida/Michelena e Alameda.
  • Protección Civil (Praza de Ourense)
  • Bombeiros (Praza de España e Valentín García Escudero).

Outras recomendacións son:

  • Non deixar os móbiles ou obxectos de valor á vista.
  • Ao respecto de carteiras e bolsos, procurar levar o imprescindible, tanto de documentación, tarxetas de crédito ou cartos, e sempre en lugar seguro. 
  • Prever con tempo os desprazamentos que se pretendan efectuar. 

Mobilidade en coche

Circulación interior da cidade

  • Mantense a prohibición de estacionar en lugares habitualmente prohíbidos: carga e descarga, servizos agás o tempo e o horario establecido; vaos, parada de taxis, etc
  • Espérase intensidade de tráfico:
    • Entre 10:30 e 13 h. en Eduardo Pondal/Uxio Novoneira; Perfecto Feijoo/Praza Barcelos.
    • Saída cidade por Alameda /Echegarai / Ponte da Barca (entre as 12:30 e as 14:30).
  • Recomendacións 
    • Evitar circular polo centro se non é necesario, especialmente nas horas sinaladas. 
    • Saída cara as praias pola Ponte das Correntes. 
    • Saída cidade por AP-9 (norte/sur).

Entrada e saída da cidade

  • Aberto ao tráfico todas as entradas e saídas da cidade. 
  • Alternativa a AP-9 como vía de comunicación entre o norte e o sur da cidade. 
  • Aparcadoiros de balde e de pago, todos operativos. 
  • Utilizar os aparcadoiros disuasorios que se atopan nas distintas entradas da cidade. 
  • Evitar a circulación polo centro da cidade.
  • Probablemente entre as 12:30 e as 14:30 aumente o tráfico pola Alameda e rúa Echegarai . Recoméndase utilizar a AP-9 ou a Ponte das Correntes por Corbaceiras/Uruguai e Domingo Fontán.
  • Probablemente haxa desvíos de tráfico na entrada por Paseo Colón entre as 17 horas e as 20 horas, por mor da celebración do espectáculo medieval