Xa se coñecen as construtoras que optan a crear o maior pulmón verde da cidade no barrio da Parda 

20

A Mesa de Contratación do Concello de Pontevedra vén de coñecer as empresas que presentaron oferta para a construción do Parque urbano da Parda. As nove empresas anunciadas a semana pasada pola concelleira de Promoción da Cidade e Deportes, Anabel Gulías, son as seguintes:

  • UTE Construcciones Ramírez – Construcciones, Obras y Viales (Covsa)
  • UTE Constructora San José – El Ejidillo viveros integrales
  • Elsamex Gestión de Infraestructuras
  • Narom
  • Oresa Construcción y Servicios Globales
  • Prace, Servicios y Obras
  • Construcciones E.C.Casas – Xermolo
  • Vilariño ESP
  • Xestión Ambiental de Contratas

As constructoras terán que afrontar a creación do novo pulmón verde da cidade que sae a licitación cun importe de 5.533.406,02 euros. Trátase dunha das obras de maior contía que ten xestionado o Concello e unha gran mellora para o barrio de maior crecemento da cidade, pero tamén un novo espazo de lecer, encontro e esparexemento para todos os pontevedreses e pontevedresas, xa que disporá dunha gran zona verde, áreas infantís, miradoiros e até 200 prazas de estacionamento entre outras instalacións. 

Unha das grandes sorpresas desta licitación é o número de ofertas que se presentaron. « Quedámonos gratamente sorprendidos », indicaba Anabel Gulías a pasada semana xa que ultimamente a obra pública non tiña tanto eco entre as empresas, tal vez pola difícil situación económica que atravesou o sector meses atrás.

O Concello traballa coa idea de cumprir os prazos fixados polo alcalde Miguel Anxo Fernández Lores de poder iniciar as obras a finais de 2024.