O Concello de Pontevedra traballa co obxectivo de residuos cero, polo que as súas estratexias de xestión dos residuos van encamiñadas a facer deles un recurso municipal a través de distintos programas, dende a reciclaxe até a compostaxe.
A continuación expóñense as distintas liñas de traballo así como accións que se desenvolven para obter unha xestión excelente dos residuos municipais.
No centro urbano, a recollida dos residuos do colector verde (resto) faise cada día, incluídos os domingos, seguindo unhas rutas e frecuencias predeterminadas.
Na zona rural, a recollida realízase dúas veces á semana distintas frecuencias en función da densidade poboacional.
Dende fai anos o Concello de Pontevedra ten en marcha o programa de reciclaxe na rúa para toda a veciñanza. Ao longo das rúas da cidade, disponse de illas de reciclaxe cos seguintes contentores:
No colector azul deposítanse os restos de papel e cartón
No iglú verde deposítanse os restos de vidro
No colector amarelo deposítanse outro tipo de envases (plásticos, latas, bricks, etc.)
O Concello de Pontevedra dispón dun servizo de recollida de residuos voluminosos (mobles, colchóns…) personalizado.
Para empregalo é preciso chamar ao número 986 85 02 25 e notificar quen deposita os residuos e de que tipo son. Tamén se lles informa de cando se deben depositar na rúa.
UBICACIÓN:
Polígono do Campiño. Nave de Prezero
https://goo.gl/maps/ZnK9XhdLgNnHpA2w6
HORARIOS:
Martes a venres de 10:00h a 14:00h e de 16:00h a 19:00h
Sábados de 9:00h a 13:00h
ENTREGAS:
É obrigatoria a identificación do vehículo e da persoa que realiza a entrega, que ten que residir no municipio de Pontevedra e xustificalo co seu DNI.
O material deberá estar seleccionado, xa que non se recollen residuos mesturados en caixas a granel.
Todos os materiais teñen unha limitación de peso e volumen asimilables a un uso doméstico.
Envases lixeitos de plásticos, latas e briks.
Botellas e envases de vidro
Cables eléctricos
Toner de impresoras
Ferralla e metálicos.
Restos de madeira.
Pequenos electrodomésticos (micro-ondas, rádios, fornos, etc.)
Refrixeradores, arcóns e acumuladores de auga.
Entullos e restos de obra
Pilas e acumuladores
Bombillas incandescentes, led e tubos fluorescentes
Radiografías
Botes de pintura e vernices
Sprais e envases de aerosois
Cintas, DVDs e cintas VHS
TV e pantallas
Aceites domésticos
