Mañá é un proxecto que nace da necesidade de proporcionar á cidadanía música en galego na situación actual de confinamento e de poñer en valor aos artistas noveis da cidade, buscando converter así o vídeo musical nun elemento de apoio e orgullo local.
É un vídeo musical no que participan diferentes artistas da cidade, transmitindo unha visión crítica pero á vez positiva dunha grande oportunidade de converter todo isto nun futuro mundo mellor. Temos un enorme talento musical que provén de anos e anos apostando neste sentido dende diferentes áreas municipais (Local de música, Rock Lab, Xeración Sónica…) que se pode ver plasmado neste proxecto.
“Mañá” nace co obxectivo de dar a coñecer aos artistas noveis da cidade e poñer en valor a música en galego, así como tentar ser unha canción referente para todos os pontevedreses e pontevedresas nun momento coma este.
É un vídeo musical creado en e para Pontevedra. Tanto a súa composición como a súa produción fixéronse na nosa vila. É un proxecto Km 0, no que participan un feixe de artistas do tecido cultural de Pontevedra. Un proxecto colaborativo para reinvindicar a unión e a colectividade nesta época pandémica.
Créditos
- Promove: Concello de Pontevedra. Concellaría de Xuventude
- Produción do proxecto: Revenidas S.C
- Composición: Thomas Argibay Walker e Mariña Paz
- Melodía: Mariña Paz
- Letras: Mariña Paz e Gonzalo Maceira coa colaboración de Violeta Mosquera, Laura García, e Camilo
- Dirección artística: Gonzalo Maceira e Artecalavera
- Produción musical: Gonzalo Maceira e Iago Lorenzo
- Artistas participantes: Soulmacklein, Malecho, Checho Malkeda, Dani (singer stitch), Mariña Paz, Laura G. Villar, V. Mosquera, Lope, Rodrigo Valiente, Jose Barros, Tea é un paxaro, Sara López, Mavaralla (Xaquín Moreda)
- Mix e Master: Iago Lorenzo
- Realización audiovisual: Jose Aragunde
- Deseño gráfico e animacións: Ana Seoane