Obras de reforma urbana

Un modelo de cidade faise con valentía, ideas claras e participación. Esta páxina recollerá os principais proxectos de reforma urbana que se van desenvolver na cidade nos vindeiros meses e anos. Nela poderase consultar o proxecto, imaxes, vídeos, participar nas asembleas xerais e sectorais que se convoquen e tamén achegar suxestións aos proxectos antes da súa licitación. Contamos contigo!

Reforma da praza de Barcelos

Orzamento

5.792.987 euros

Arquitectos

2C arquitectos

Obxetivo

Crear unha praza aberta á contorna e á veciñanza que favoreza a actividade comercial e priorizar, por riba de todo, os usos infantís.

Proxecto

Beirarrúas de formigón ao igual que Arcebispo Malvar ou a zona da Ponte do Burg
Traslado da área infantil a unha zona máis central da praza.
Duplícase o espazo infantil con 2 zonas de xogos.
Cambio da zona deportiva que se traslada ao actual parque infantil. Créanse dúas zonas deportivas.
A zona deportiva disporá de distintos equipamentos, entre eles mesas para xogar a tenis de mesa.
Reserva dunha zona diante do centro de ensino para ser o patio do colexio. O tratamento e o equipamento será definido polo centro.
Incremento das zonas de sombra e da zona verde cara a zona de Santa Clara.
Mantéñense os plátanos centenarios, e plántanse novas especies creando un paseo e zona de estancia, cunha pradaría que se estende ao centro da praza.
Instalación dunha pérgola central.
Na contornada praza, amplíanse as beirarrúas e o deseño da praza permitirá que os negocios se vexan dende a praza.
Disporá de estacionamentos de servizos de uso ao comercio.
Mantense un único carril con sentido único de circulación con entrada dende Perfecto Feijoo e saída cara Cobián Roffignac.
Nova iluminación e mobiliario.
Renovación de todos os servizos soterrados: rede de saneamento, pluviais, eléctrica, fibra…

Fases do proxecto

A reforma da Praza de Barcelos realizarase en varias anualidades, debido a envergadura da operación. Inicialmente está prevista unha primeira actuación nas beirarrúas perimetrais e na calzada. Ademais da transformación en superficie cambiaranse todas as canalizacións soterradas que dan servizo á praza.

Nesta fase tamén se inclúe a retirada do transformador de Fenosa do Colexio de Barcelos e situarase fóra do centro de ensino.

O Concello reserva para esta primeira actuación un investimento de 1.735.000 euros máis 176.000 euros para o soterramento da estación transformadora do colexio.