- O orzamento de adxudicación ascende a 91.499,99 euros e o prazo de execución é de 1 mes
- Inclúe a rehabilitación integral do firme con plataforma única, o calmado do tráfico e a renovación da iluminación pública
A portavoz do Goberno, Anabel Gulías informou está mañá que, tras a primeira mesa de contratación, o número de ofertas para o proxecto de renovación do pavimento da rúa da Torre ascende a trece. Trátase dunha actuación que ten un orzamento de adxudicación de 91.499,99 euros e un prazo de execución de 1 mes.
Gulías lembrou que este proxecto se enmarca no plan de actuacións no Barrio do Burgo, no que se está a destinar un investimento total de 2.850.000 euros co obxecto de “seguir traballando cos mesmo estándares de calidade cos que estamos traballando no resto desta zona”.
O proxecto da rúa da Torre supón unha rehabilitación integral con plataforma única, calmado de tráfico e a renovación da iluminación pública. Neste sentido, a portavoz do Goberno explicou que unha mellora incluída nesta adxudicación é a colocación de 26 puntos de luz para mellorar cualitativamente a iluminación neste espazo público.
Relación de empresas que presentaron ofertas para este proxecto:
- Asfagal Técnicas Viarias S.L.
- Construcciones Caldevergazo S.L.
- Conctrucciones E.C. Casas S.L.
- Construcciones Fechi S.L.
- Construcciones, obras y viales S.A. (COVSA)
- Construcciones Vale S.L.
- Edigrup Glogal S.L.
- Movimientos de Áridos y Construcciones de Arosa S.L.
- Narom S.L.
- Nemesio Ordóñez S.A.
- Obras y Saneamiento Galicia S.L.
- Sodein Soluciones Integrales S.L.
- Vias y Servicios Compostela S.L.