Zafarrancho de limpeza no Paseo de Domingo Fontán

10

A Concellaría de limpeza viaria, xestionada polo concelleiro Raimundo González, continúa cos zafarranchos de limpeza nos barrios da cidade nesta semana. Nesta ocasión será no paseo de Domingo Fontán, dende o acceso a Martín Códax até a rotonda da Ponte das Correntes, no lateral enfronte á ría.

Como vén sendo habitual, a limpeza farase na madrugada e na mañá do xoves. A zona de estacionamento estará valada dende o mércores pola tarde prohibindo o aparcamento nas horas anteriores aos traballos. Os vehículos que permanezan estacionados serán retirados polo guindastre municipal.

A limpeza farase con máquinas de varrer e limpadoras de auga a presión tanto na beirarrúa como na beiravía e na calzada, polo que a Concellaría solicita a colaboración de todos os veciños e veciñas e tamén dos condutores para garantir un bo resultado. Ao mesmo tempo, pide desculpas polos inconvenientes que poidan ocasionar estes labores habituais do Concello.