A Concellaría de Deportes que dirixe o tenente de alcalde e concelleiro de Deportes, Tino Fernández volve patrocinar a VI Festa do Atletismo Galego organizada polo Club Atletismo Rías Baixas que se celebrará este xoves, 22 de xullo, ás 18.00 horas no Centro Galego de Tecnificación Deportiva (CGTD). Tino Fernández explicou durante a presentación celebrada esta mañá no CGTD e na que estivo compañado dos atletas: David Vicente, Jacobo Soler, Evelyun Yazmin Aguilar, que nesta festa disputarase a última proba do circuíto de atletismo de Galiza antes do parón estival provocado pola celebración dos Xogos Olímpicos.
Participarán nesta festa atletas de renome e tamén deportistas da base do club e doutros clubs que tamén están a despuntar dentro das competicións galegas.
En definitiva, trátase de gozar da última proba da temporada antes do descanso do verán e tamén das Olimpiadas. “Para eles é case máis unha festa que unha proba deportiva”, concluíu o concelleiro de Deportes.