- A atención será, esencialmente, telemática, pero tamén se permitirá a consulta presencial cando sexa absolutamente imprescindible e baixo cita previa.
O Arquivo municipal de Pontevedra abre as súas portas ao público baixo estritas condicións para a consulta de documentos que regula as fases da desescalada. Estas condicións son as seguintes:
- Priorizará a atención telemática.
- Cando sexa absolutamente imprescindible, a cidadanía poderá solicitar a consulta de maneira presencial con cita previa. O Arquivo comunicará por teléfono ou correo electrónico, a data e as condicións de consulta da documentación. Terán preferencia as peticións de información e copias de documentos que deban aportarse en procedementos administrativos e xudiciais.
- Os documentos e material consultado quedarán en corentena durante un período mínimo de 10 días antes de poder ser empregados de novo.
- Usuarios e investigadores só poderán empregar os seus equipos informáticos.
- Os usuarios deberán adoptar as medidas adecuadas para protexer a súa saúde e evitar contaxios cumprindo as recomendacións das autoridades sanitarias.
- O Arquivo poñerá a disposición dos usuarios que accedan as instalacións máscaras, guantes, panos desbotabeis e solucións hidroalcólicas.
- O teléfono de contacto do arquivo municipal é 986 804300 ext. 7021
- O correo electrónico: arquimunpo@pontevedra.eu