Inicio APEGO – Actividades do programa Apego no outono

APEGO – Actividades do programa Apego no outono

Para unha grande aventura con futuro

Pontevedra, outubro e novembro 2017

A Concellaría de Normalización Lingüística do Concello de Pontevedra pon en marcha unha nova quenda de actividades dentro do programa Apego. O programa abrangue distintas actividades dirixidas ás familias que xa teñen fillos e fillas ata 6 anos ou que están agardando un novo membro; todas elas son de balde, e é necesario inscribirse..

Máximo 25 familias por obradoiro, 1 ou 2 adultos con nenas e nenos das idades indicadas en cada actividade. Todos os obradoiros serán na sala Bolechas da Casa da Luz.

Levade unha mantiña ou esteira para sentardes no chan.

Todas as actividades son de balde!

Cómpre inscrición no seguinte formulario:

Programa de obradoiros

Obradoiro; de 3 a 6 anos*
Obradoiro de xogos e xoguetes, con Brazolinda
O xogo é fundamental para aprender, socializar, imitar a realidade e desenvolver a creatividade, a intelixencia e as competencias lingüísticas. Brazolinda falaranos da importancia do xogo, presentará os xogos artesanais que desenvolve e ensinaranos como aproveitalos en familia.
— Xoves 19 de outubro, ás 17 horas (2 horas)

Obradoiro; de 0 a 6 anos*
Orella pendella, con Bea Campos e Davide González, de Migallas Teatro
Sesión de narración oral para aprendermos e xogarmos cos ditos infantís de sempre e con cancións tradicionais acompañadas de música en directo.
— Sábado 28 de outubro. Primeira sesión ás 11 horas (45 min.)
— Sábado 28 de outubro.Segunda sesión ás 12.15 horas (45 min.)

Obradoiro; de 3 a 6 anos*
A poesía é un xogo, con Fedellas: Tamara Andrés e Susana Cerviño
Achegarémonos á poesía dun xeito lúdico, coñeceremos recursos para aprender a aproveitala como xogo e converterómonos en poetas.
— Sábado 4 de novembro, ás 12 horas (50 min.)

Faladoiro e bebeteca; de 0 a 3 anos*
Faladoiro de crianza e bebeteca Montessori, con Sara Pena de Rachachán
Faladoiro de crianza e sobre actividades Montessori no fogar coa preparación de espazos para a crianza nos primieros anos de vida. Na mesma sala haberá materiais Montessori para que xoguen os bebés.
— Xoves 9 de novembro, ás 17.30 horas (1 hora 30 min.)

Obradoiro de contos; de 1 a 3 anos*
Contos pequeniños, con Cris de Caldas
Cantos e contos para compartir, explorar e recordar en familia. Xogos de man, recursos tradicionais, visuais… Un achegamento á riqueza da oralidade para xogar coas máis pequerrechas e cos máis pequerrechos da casa.
— Xoves 16 de novembro, ás 18.15 horas (35 min.)

Obradoiro, exposición e charla; de 2 a 6 anos*
Contos, contiños para medrar todos xuntiños, con Cris de Caldas
Inclúe: unha sesión de contos, con historias que transmiten valores de igualdade e rachan estereotipos machistas e clasistas. Un pequeno obradoiro para realizar unha manualidade creativa en familia. Unha pequena exposición de libros infantís cunha charla informativa sobre os libros expostos, sobre o valor da lectura en voz alta e con consellos básicos para lerlles ás nenas e aos nenos; asesoramento sobre lecturas para compartir que transmitan igualdade, reparto equitativo de roles sociais e novos modelos de familia.
— Venres 24 de novembro, ás 18.00 horas (70 min.)

Formulario de inscrición

Estades inscritos/as no proxecto Apego en Pontevedra? SiNon

Nome do/s adulto/s (máximo dous):

Nome do/s peque/s (ou nome previsto):

Data/s de nacemento (ou data prevista):

Enderezo electrónico

Teléfono

Enderezo postal

INDICA OS OBRADOIROS POR ORDE DE PREFERENCIA

No caso de non querer asistir a todos os obradoiros, podes deixalos en branco.

PRIMEIRA OPCIÓN

SEGUNDA OPCIÓN

TERCEIRA OPCIÓN

CUARTA OPCIÓN

QUINTA OPCIÓN

SEXTA OPCIÓN

SÉTIMA OPCIÓN

OBSERVACIÓNS

De conformidade co previsto na Lei orgánica 15/1999 de protección de datos de carácter persoal, comunicámoslle que os seus datos de carácter persoal serán incluídos nun ficheiro denominado "Formación", inscrito no Rexistro da Axencia de Protección de Datos e cuxo responsable é o Concello de Pontevedra. A finalidade desta recollida de datos de carácter persoal é a xestión dos cursos de formación impartidos polo Concello de Pontevedra. Como titular dos datos, vostede dá o seu consentimento e autorización para incluílos no ficheiro anteriormente detallado. Poderá exercitar de balde os dereitos de acceso, rectificación, cancelación e oposición dirixíndose por escrito ao Rexistro Xeral do Concello de Pontevedra, situado na rúa Michelena, núm. 30 - 36071 Pontevedra.

Acepto as Condicións da LOPD.

Máis información:

O TEMPO

Pontevedra, ES
cielo claro
7.9 ° C
9 °
7 °
87%
2.6kmh
0%
Dom
14 °
Lun
14 °
Mar
14 °
Mér
13 °
Xov
15 °
X