I Xincana Mobilidade

1. Colle a túa bici, patíns, monopatín, VMP, moto ou simplemente bótate a andar

2. Decide que percorrido farás primeiro e achégate á carpa de saída do mesmo.

3. Equípate co chaleco/peto que te proporciona a organización.

4. Segue o percorrido marcado no mapa e sinalado nos cruces das rúas con frechas coa mesma cor que a que figura no mapa.

5. Cando no percorrido localices a un membro da organización co peto verde, dille que te sele a tarxeta.

6. Cumpre en todo momento a ordenanza:

1. Sé amábel cos peóns e respecta a súa prioridade nas rúas de coexistencia ou peonís.
2. Menores de 16 anos en bici, patíns ou VMP, todos e todas con casco.
3. Iluminación obrigatoria logo do solpor. Faite ver!!
4. Velocidade máxima nas rúas peonís ou de coexistencia 10km/h ou 6km/h se non é posible adiantar aos peóns ou pasar fronte ás fachadas a máis de 1,5m de separación.
5. Nos parques, sempre a pé coa bici ou VMP da man. Os cativos que non superen os 12 anos poden montar sen superar os 6km/h.
6. Non se pode usar móbil ou auriculares mentres levas a bici, patíns, VMP ou guías calquera medio de transporte.
7. Se vas en bici ou en VMP, sempre pola calzada no caso de rúas con tráficos diferenciados. Os automóbiles deben respectar a túa preferencia, mais non esquezas que tes que cumprir a normativa e a sinalización.
8. Goza movéndote pola túa cidade.

7. Comparte en redes cos hastag: #xincanapontevedra #mobilidadepontevedra