A Concellaría de Xuventude presentou esta mañá o proxecto "Quince bolos" que permitirá a quince grupos nados no Local de Música de Pontevedra participar nas festas do verán de Pontevedra.
Demetrio Gómez, concelleiro de Xuventude explicou que nas festas de Pontevedra sempre se apostou pola escea galega porque os grupos da cidade teñen un nivel altísimo de profesionalidade. Esta aposta supón a realizar de quince concertos cos grupos do local de ensaio durante o verán.
Entre o 30 de xullo e o 4 de agosto desenvolverase un festival para grupos de Pontevedra nas prazas da Verdura e do Teucro (seis concertos en cada unha das prazas). Tamén está previsto que durante as festas do dous grupos sexan teloneiros de dous concertos previstos no Recinto Feiral e doutro que se celebrará na praza de España.
A escolla dos grupos está a facela un grupo de expertos relacionados do Local de Música. E un xurado popular, no que poderán participar as persoas que o desexen, nun acto que se celebrará no Local de Música a última semana de maio.
Ata o de agora arredor de 30 grupos de toda a cidade, anotáronse para participar nestes concertos.