O entroido de Pontevedra terá un pregoeiro de excepción: Caki Viñas, máis coñecido por ser o propietario da antiga librería Viñas, situada hai non tantos anos entre as rúas Daniel de la Sota e Peregrina, e participante incondicional do entroido pontevedrés.
O pregoeiro será o encargado de abrir as festas máis irreverentes do ano este vernes, 8 de febreiro, logo da chegada do Rei Urco á praza da Verdura.
Caki Viñas quixo ser discreto á hora de falar do seu pregón. Logo de lembrar aquelas pseudoclandestinas festas do entroido en época da ditadura, só diantou que "Ouro parece, prata non é".