Con tan só un álbum (Camino Ácido), un EP (Cuatro Truenos Cayeron) e un single dixital que publicou a modo sorpresa do Nadal un tanto áceda (Jesús Levitante), o ermitán do pop conseguiu abarrotar todo tipo de salas e festivais provocando auténticos karaokes co seu Carbura, Mezcalito ou Metralleta Joe, xenuínos hits alternativos do indie nacional máis recente.
Pouco se sabe deste xenial autor, e pouco máis poderás saber. Naceu en Santander, estudou en Valladolid, onde Javier Vielba (Corizonas /Arizona Baby) produciu o seu álbum e reside en Madrid. Ten 28 anos, cabeleira e barba hirsuta e un anormal talento como guionista de sedutoras cancións onde os vaivéns cotiáns deveñen en surrealismo perverso.
Stanich é un músico á marxe. Desde logo, un dos máis singulares dos últimos anos. Non se parece a nada circundante e é dono dunha desas voces únicas que non deixa indiferente a quen o escoita. Todo isto converteuno, en moi pouco tempo, nese tipo raro do que todo o mundo fala.
E todo iso sen contar con el. Porque Anxo Stanich é un freak recluso centrado na súa bohemia e as súas cancións. Non vai de nada. Ao contrario. Pasa das cuestións mediáticas. Non fai promoción do seu traballo ou os seus múltiples concertos, polo menos de modo convencional. Custou o seu que montase o seu Facebook oficial ou a súa propia web www.angelstanich.com. Non fai entrevistas, nin o verás por aí nos seráns nocturnos. Pero a súa música e a súa figura inspiran esa estraña atracción fatal do borde vulnerable.
Escurridizo, politicamente incorrecto, misterioso, son algúns dos diagnósticos mediáticos que xera o seu desbordante e inusual enxeño arroupado de mordacidade certeira e unha fondura emocional impropia da súa idade que o converten en todo un feliz achado.
Máis de 200 concertos en apenas ano e medio. Desde os seus primeiros pasos enchendo bares el só coa súa acústica, facendo sold outs en salas e arrasando co demoledor directo do seu Stanich Band polos máis importantes festivais. Agora é a túa oportunidade!
Proximamente, información sobre venda de entradas.