A Casa das Campás foi onte pola tarde a sede da reunión do Goberno con asociacións da zona urbana de Pontevedra. Este encontro ao que asistiron os concelleiros Luís Bará e Carmen Fouces enmárcase na liña de traballo de participación e consulta que move a acción do Goberno local, para recibir achegas e suxestións en asuntos que afectan directamente aos veciños: mellora dos espazos urbanos, a mobilidade, a integración social e a dinamización da cidade.
O obxectivo foi pór en común diversos asuntos para coñecer a opinión da veciñanza e achegar suxestións nos seguintes temas:
- Actuacións nos espazos públicos urbanos:
- Conservación e mantemento
- Novas actuacións
- Intervencións artísticas nos espazos públicos e en muros, medianeiras, espazos abandonados
- Mobilidade e accesibilidade
- Accesibilidade: espazos públicos, edificios, comunicación…
- Propostas de ampliación de zonas de preferencia peonil
- Mobilidade ciclista
- Programas de Benestar Social
- Voluntariado
- Hortas urbanas
- Equipamentos: parques, zonas de xogo, aproveitamento de edificios
- Medio Ambiente: Plan de Compostaxe
- Outros