O alcalde de Pontevedra, Miguel Fernández Lores e o presidente da Asociación deeciños “O Castro” de Mourente, Santiago Laya, renovaron o convenio de colaboración para a organización da Festa do Caldo que este ano cumpre as súas vodas de prata. Froito deste convenio á veciñanza recibe 9.000 euros para a organización do evento, que reúne a miles de persoas arredor dunha cunca de caldo.
A cita é o próximo domingo, 13 de marzo, e alí estará o alcalde quen subliña que neste día “Pontevedra está no mapa grazas a festa gastronómica da comida básica do noso país”. A presenza do alcalde é moi valorado por Santiago Laya xa “que lle da realce á festa”. Ademais a colaboración do Concello e “esencial” recoñece o presidente da asociación veciñal quen agradece a achega económica e tamén a axuda do Concello para axilizar a tramitación da declaración de “interese turístico” para a festa. A decisión última está en mans da Xunta.
A actriz Uxía Blanco será a pregoeira da XXV Festa do Caldo de Mourente, unha cita gastronómica na que traballan arreo mulleres e homes da parroquia para preparar os ingredientes e ter todo listo.
Para sacar arredor de 6.000 racións usaranse os seguintes ingredientes e cantidades:
- carne de terneira, 350 quilos .
- lacón 50 quilos
- panceta, 110 quilos
- orella, 240 quilos
- morro, 100 quilos
- cacheira, 60 quilos
- chourizos, 70 quilos
- galiña, 60 quilos
- carcasas de polo,100
- grelos, 900 manoxos
- repolos, 90 unidades
- feixóns, 38
- patacas, 600 quilos
- unto, 1 quilo