Co afán de escoller o traballo máis popular e darlle voz ás opinións das máis de 32.000 persoas que visitaron o Salón ao longo de 3 semanas, realizouse un ano máis esta iniciativa.
Logo de recontar case 1300 votos, dos que 122 resultaron ser nulos, o CEP Marcos da Portela con 138 papeletas foi o máis votado. Un traballo volumétrico que representaba diferentes ecosistemas e os bichos que neles habitan: Bicherío da costa, da horta e do bosque feitos con cartón cartulina, pasta e diferentes materiais acompañado de diferentes contos.
O seguiron o CEIP Vilaverde Mourente con 118 e moi igualados o CEIP Xunqueira 1 con 105 e 102 do Santiago Apostol.(Soutomaior).
Os traballos, na súa maioria maquetas acompañadas de libros, foron un total de 45 con representación de numerosos centros do Concello de Pontevedra e parroquias, Vilagarcía, Ponte Caldelas, Cangas, Vigo, Rianxo, etc
Todos os centros recibiron votos por parte do público visitante, co que se pon en valor o traballo dos diferentes centros de ensino, aos que, novamente a organización do Salón do Libro agradece a implicación e o esforzo realizado durante meses. Por este motivo,o profesorado será convocado próximamente a un acto de entrega de diplomas no que, coma outros anos, haberá un contacontos para adultos.
Do mesmo xeito, agradecemos a todos/as aqueles que depositaron o seu voto para decidir o Premio do Público do Salón do Libro 2016.