- Substituirase o lousado de todo o paseo central da rúa Oliva, o que está entre as bandas de pedra, dende a praza Peregrina até a rúa García Camba
- Os traballos en carteira inclúen, entre outros, a porta de Trabancas e as rúas Taboada, San Amaro e Augusto García Sánchez
- Están en execución traballos de reparación en Barcelos, Camiño de Ferro, A Estrada e Cruz Vermella
O programa de sostemento dos espazos peonís urbanos posto en marcha polo Concello para subsanar os danos causados polas intensas chuvias e temporais do inverno e polo paso do tempo chegarán nos próximos días á rúa Oliva. Neste caso, como ocorre na praza de España (en marcha) e pasará detrás da Peregrina será unha actuación de envergadura na que vai a substituirse todo o paseo central da rúa, o que está entre as bandas de pedra, dende a praza da Peregrina a rúa García Camba.
O concelleiro de Obras, Demetrio Gómez, mantivo onte un encontro con comerciantes da zona aos que lles informou sobre a actuación prevista. Os traballos de substitución do lousada teñen unha duración prevista dunha semana.
O remate dos traballos de mantemento na praza de España, previstos para a próxima semana, dará paso a seguinte actuación, que será na praza de Ourense ou na rúa Oliva en función da dispoñibilidade do material preciso para a súa execución.
O Concello desenvolve o seu plan de sostemento dos espazos públicos urbanos guiado polos seguintes criterios:
- Atención a todos os espazos peonís da cidade (centro histórico, centro e barrios)
- Priorizar a seguranza das persoas
- Ordenar os traballos con criterios de eficiencia e rendibilidade (selección dos equipos, escolla das obras, etc)
O concelleiro Demetrio Gómez deu hoxe conta desta actuación e do desenvolvemento xeral do programa de sostemento urbano, que ten un orzamento global de 250.000 euros, á Comisión de Mobilidade.
OBRAS REALIZADAS E EN MARCHA
Hai tres equipos traballando con funcións diferentes.
EQUIPO 1. Reparacións urxentes: sobre todo as que demanda a Policía Local, as detectadas polos servizos técnicos e mais tamén as que chegan das veciñas e veciños
- Actuacións rematadas en Avda. De Vigo, Benito Corbal, Sagasta, Praza de Galiza e Xeneral Rubín
- Actuacións en execución en Barcelos, Luís Otero, Camiño de Ferro, Rúa da Estrada e Cruz Vermella
EQUIPO 2. Reparacións do pavimento peonil en rúas enteiras:
- Pedra: rematada en Arcebispo Malvar
- Arquetas: Paseo Colón
EQUIPO 3. Obras de maior envergadura porque afectan á circulación e inclúen o traballo en panos enteiros
- Rúa da Taboada: reparar o asfalto de cor e o lastro nas entradas dos garaxes
- Praza do Concello, Praza de Ourense até Benito Corbal e Rúa Nova de Abaixo (rematada): levantar o lastro e tomalo con morteiro para garantir a súa estabilidade máis tempo
- Rúa da Oliva: cambiar todo o enlousado da parte central (entre as bandas de pedra) por un modelo novo (non existe xa o modelo alí colocado). As novas lousas soportan o paso de vehículos
- Porta de Trabancas: recolocar o pavimento de pedra
- Augusto García Sánchez: Recolocar baldosas (tampouco existe xa o modelo de esa rúa) e arranxar un paso que usa a veciñanza nun parterre
- Luís Otero: recolocar bolardos en Pasarón
- Asfaltar a entrada da parte nova do cemiterio de San Amaro.