O alcalde, xunto cos diferentes responsábeis das áreas, conversou cos traballadores e traballadoras situados no CIM, no Chalé de Fontoira, a Casa Azul, Churruchaos e a Casa da Luz
O alcalde de Pontevedra, Miguel Anxo Fernández Lores, comezou esta mañá unha serie de visitas polos distintos servizos e dependencias municipais. O obxectivo deste percorrido interno é transmitir os principais obxectivos da nova etapa que comeza trala súa elección como rexedor da cidade, así como os retos de futuro.
Ao longo da mañá deste mércores, Lores puido conversar cos diferentes traballadores e traballadores das seguintes dependencias: o Centro de Información da Muller, o Chalé de Fontoira, a Casa Azul, Churruchaos e a Casa da Luz. Está previsto que ao longo desta semana visite o resto de espazos municipais.