Área Urbana

O obxectivo principal da área urbana é potenciar a participación social no ámbito urbano, por medio de asociacións de todo tipo que actúan no territorio: veciñais, culturais, xuvenís, empresariais, de mulleres, de solidariedade, de discapacidade, anpas…

Tamén queremos establecer canles de diálogo e participación co conxunto da veciñanza, mediante asembleas abertas para tratar temas da súa contorna.

Crear canles de participación específica para colectivos e sectores da poboación: infancia, adolescencia, terceira idade, persoas con discapacidade. Trátase de procurar a súa implicación na identificación de necesidades e na procura de solucións.

Trátase, en definitiva, de crear novas formas de participación democrática, fomentando a implicación social, a cohesión, a solidariedade e a identificción das persoas na mellora dos espazos públicos e da convivencia cidadá.

Procedementos de participación

Xuntanzas de carácter xeral na que poderán participar todas as entidades interesadas que desenvolvan a súa actividade no ámbito urbano (Consello Xeral de Participación no Ámbito Urbano).

  • Reunirase cando menos 2 veces no ano.
  • A primeira xuntanza foi o xoves 9 ás 20.30 h de xullo no CITA
  • Poderán formar parte deste consello todas as asociacións do ámbito urbano: veciñais, culturais, xuvenís, de discapacidade, de solidariedade, empresariais, de mulleres, anpas…

Xuntanzas de ámbito territorial concreto (consellos de barrios e zonas da cidade), nas que poderán participar todas as entidades que actúan nese espazo. Por ex. O Burgo, Monte Porreiro, Zona Leste, Campolongo e Mollavao, A Moureira, Centro Histórico…

Xuntanzas abertas a toda a veciñanza dunha zona, en relación coa propostas concretas de actuación.

Xuntanzas temáticas con colectivos e grupos de persoas específicas (terceira idade, discapcidade, infancia…) en relación con proxectos ou propostas de actuación.

Temas e ámbitos de traballo

  • Mobilidade, accesibilidade e seguranza viaria
    • Prioridade contorna centros educativos e de saúde
  • Conservación e mellora do medio ambiente urbano
    • Espazos públicos
    • Zonas verdes e de lecer
    • Mobiliario e equipamento
    • Servizos (alumeado, limpeza viaria…)
  • Integración, convivencia, equidade: barrios como espazos de convivencia e integración
    • Cohesión social
    • Solidariedade
    • Dinamización sociocultural (nos espazos públicos e nos centros sociais)
    • Actividades festivas e de lecer
  • Embelecemento urbano
    • Recuperación de predios abandonados e terreos sen uso (por ex, para hortas)
    • Mellora de edificios sen uso
    • Intervención artísticas en paredes
    • Intervencións artísticas en rúas, prazas…
    • Eliminación de elementos que supoñan agresións estéticas (por ex valados publicitarios, valados de obras…)

O TEMPO

Pontevedra, ES
lluvia moderada
10.9 ° C
12 °
10 °
100%
1.5kmh
75%
Xov
14 °
Ven
18 °
Sáb
16 °
Dom
16 °
Lun
17 °
X