- Os anteollos, que transforman a luz captada na imaxe duns agasallos de Nadal, serán repartidos de balde entre os clientes que merquen nos comercios
A Concellería de Promoción Económica e Turismo, que dirixe a socialista Yoya Blanco, comezará a distribuír a vindeira semana entre o pequeno comercio de Pontevedra uns exclusivos anteollos que contribuirán a que o Nadal da nosa cidade continúe a brillar se cabe con máis intensidade. Trátase duns lentes de realidade lumínica aumentada de cor vermella capaces de transformar a luz captada nunha imaxe, neste caso, a duns resplandecentes agasallos de Nadal.
Segundo anunciou a concelleira Yoya Blanco, “en concreto, distribuiremos un total de 2.000 unidades entre os establecementos comerciais de Pontevedra, de xeito que llas poidan obsequiar aos clientes cando realicen as súas compras”. “É unha maneira máis de imbuírnos no espírito do Nadal e de axudar a dinamizar e alumear con luz propia o comercio de proximidade nestas datas tan importantes. De feito, na patilla dos lentes aparece escrito o lema ‘Pontevedra Brilla’. Con estes anteollos de realidade lumínica aumentada mesmo se poden prolongar as luces de Nadal durante todo o ano”, asegurou a edil do PSOE.